 |
|
|
CH'BEUDETS..... en SOMME et le PICARD.... Déc 2007 Copyright-Textes extraits de la revue CH'LANCHRON N°105-106-2007 © Texte de Bernard Warnier-1936- |
|
|
|
|
|
[1]
Bénonie avoait acaté un beudet à l'foère, Taté sin poéille,tiré s'tcheue, arbéyè s'maquoère, I couroait pu vite qu'éch nifflart qu'i l'tenoyait. Mais vlo qu'baichant sin tchu note beudet s'arréte, I n'o rparti qu'à coeups d'baton su s'caouéte... [2] Quaind qu'tu vos t'ingager pour éte varlet d'querrue, Avant d'foaire ch'prix et taper din t'main tindue, On t'dit qu'tu mingeros des rotis,jamoais d'salé, Qu'tu boéros du vin,d'él goutte din tin café, Pour foaire passer ch'lard,t'éros du cide rèche, Eune bistouille à l'Ducasse,comme burre d'él graiche... |
|
|
[3]
Quaind qui veut éte élu Maire,tin copain d'école, I t'rapelle tn'éfainche,l'temps des torgnoles, Éch ju d'tchuise,chés parties éd toupicinet, Tu nn'os tin tchoeur doreux,t'i promets tin billet, Aprés i passe sains t'arbéyer in fache, S'in fout ! n'o pu bsoin d'ti,il o l'boéne plache. |
[4] Contint d'hériter,tu vos à l'mon d'éch notaire, T'i dis: " Oz éte mn'ami,o défindrez mn'afoaire ! " I t'serre lesmains,i t'fout eune maque din l'dos. Troés ans aprés i t'axplique aveuc des grands mots Qu'bien qu'taiches gadouillé les sous d'étn armoére, Qu't'os coèr d'el canche d'avoèr tes zius pour braire. Aflate bien tin beudet, I t'in rindra des pets. |
Le 10-12-2007 |
 Haut de Page
|
On va se promener..sur le site. |
 Retour Home-Page-Index.
 Retour Moteur de recherches.
Retour Page Précédente.
|